కొబ్బరిపాలలో వీటిని మిక్స్ చేసి అప్లై చేస్తే జుట్టు పొడుగ్గా పెరుగుతుంది..

జుట్టు రాలడం అనేది నేటి కాలంలో చాలా మంది ఫేస్ చేసే ప్రాబ్లమ్. దీనికి కొబ్బరిపాలు చెక్ పెడతాయి. అదెలానో తెలుసుకోండి.

చాలా మంది జుట్టు రాలే సమస్యతో ఇబ్బంది పడతారు. అలాంటి వారు ఆ సమస్యని అరికట్టేందుకు మార్గాలను అన్వేశిస్తారు. ముందుగా జుట్టు రాలడానికి చాలా కారణాలు ఉన్నాయి. అందులో పోషకాలు తీసుకోకపోవడం, జుట్టుకి వాడే ఉత్పత్తుల్లో కెమికల్స్ ఉండడం, ఒత్తిడి, హార్మోన్ల లోపాలు ఇలా చాలానే ఉన్నాయి. అయితే, ఈ సమస్యకి కొన్ని ఇంటి చిట్కాలు చెక్ పెడతాయి. అలాంటి ఓ టిప్ గురించి తెలుసుకోండి. కొబ్బరిపాలు..

కొబ్బరిపాలలో పోషకాలు ఉంటాయి. ఇవన్నీ కూడా జుట్టు మూలాలని బలంగా చేస్తాయి. వీటిని అప్లై చేయడం వల్ల జుట్టు మృదువుగా మారుతుంది. ఈ పాలు అప్లై చేస్తే తెల్ల జుట్టు సమస్య తగ్గుతుంది. పొడి జుట్టు ఉన్నవారు ఈ ప్యాక్‌ని ట్రై చేయొచ్చు. కొబ్బరిపాలలో హెల్దీ ఫ్యాట్స్ జుట్టు ఆరోగ్యానికి చాలా మంచిది.

హెయిర్‌ఫాల్‌ని తగ్గించే హెయిర్ మాస్క్..

ఏం చేయాలి?

జుట్టురాలడాన్ని తగ్గించేందుకు షార్ట్ కట్స్ ఏం ఉండవు. ఇది పూర్తిగా సహజంగా ఉంటేనే జుట్టు రాలడాన్ని కంట్రోల్ చేయొచ్చు. ఇందులో ఒకటి కొబ్బరిపాలని అప్లై చేయడం. కొబ్బరి జుట్టు ఆరోగ్యానికి చాలా మంచిది. అందుకే, కొబ్బరినూనె వాడతారు. ఇక కొబ్బరి పాలు కూడా ఈ సమస్యకి చక్కని పరిష్కారమని చెప్పొచ్చు. కొబ్బరిపాలని తలకి అప్లై చేసి అరగంట పాటు ఉండాలి. వారానికి కనీసం రెండు రోజులు ఇలా చేస్తే రిజల్ట్ ఉంటుంది. Also Read : కేవలం రెండే పదార్థాలతో తెల్లజుట్టుని నల్లగా మార్చండిలా..

కొబ్బరిపాలు, అలోవెరా జెల్..

ఈ రెండింటి కాంబినేషన్ కూడా జుట్టు రాలడాన్ని తగ్గిస్తుంది. అందుకోసం కొబ్బరిపాలలో అలోవెరా జెల్ కలిపి బాగా మిక్స్ చేయండి. దీనిని జుట్టుకి అప్లై చేయండి. అవసరమనుకుంటే గుడ్డు కూడా వేయొచ్చు. ఇందులో కొద్దిగా నిమ్మరసం కలిపి రాస్తే దీనికి మించిన హెయిర్ ప్యాక్ ఉండదు. Also Read : ఇంట్లోనే తయారుచేసిన ఈ షాంపూతో జుట్టు పొడుగ్గా పెరుగుతుందట..

బెనిఫిట్స్..

ఇలా కొబ్బరిపాలను జుట్టుకి అప్లై చేయడం వల్ల జుట్టు మృదువుగా తయారవుతుంది. మెరుస్తుంది. చుండ్రు వంటి సమస్యలు దూరమై జుట్టు రాలడం తగ్గి పెరిగేందుకు హెల్ప్ అవుతుంది. గమనిక: నిపుణులు, అధ్యయనాల ప్రకారం ఈ వివరాలను అందించాం. ఈ కథనం కేవలం మీ అవగాహన కోసమే. అందం, ఆరోగ్యానికి సంబంధించిన ఏ చిన్న సమస్య ఉన్నా వైద్యులను సంప్రదించడమే ఉత్తమ మార్గం. గమనించగలరు.