భర్తను గొలుసులతో కట్టేసిన భార్య.. ఆ విషయంలో గొడవలు, పారిపోతే పట్టుకొచ్చి మరీ..!
Hyderabad: భార్యాభర్తలు అన్నాక మాటా మాటా అనుకోవటం సాధారణం. ఇద్దరి మధ్య కోపతాపాలు, గొడవలు నడుస్తూనే ఉంటాయి. కానీ కొన్ని జంటలు అందరిలా కాదు. బాగా తాగొచ్చి భార్యను చితక్కొట్టటం, అదనపు కట్నం విషయంలో వేధింపులకు గురి చేయటం లాంటి చర్యలకు పాల్పడుతుంటారు కొందరు భర్తలు. కేవలం భర్తలే ఇలా చేస్తారనుకుంటే పప్పులో కాలేసినట్టే.. భర్తలను ఏడిపించే భార్యలు కూడా ఉంటారండోయ్. నమ్మట్లేదా.. అయితే ఈ భార్యామణిని చూడండి.
మేడ్చల్- ఘట్కేసర్ మున్సిపాలిటీలోని అంబేద్కర్ నగర్‌లో పత్తి కృష్ణ(50), భారతి (45) దంపతులు నివాసం ఉంటారు. అయితే.. ఈ దంపుతులిద్దరి మధ్య రెండు ఫ్లాట్ల విషయంలో ఇద్దరి మధ్య భిన్నాభిప్రాయాలు వచ్చాయి. దీంతో.. ఆ విషయంలో తరచూ గొడవలు జరిగేవి. భర్త తాను చెప్పిన మాట వినట్లేదని భారతి.. కృష్ణను మాటలతోనే వేధించేంది. ఇంటికి వస్తే కనీసం మనశ్శాంతి లేకుండా ఎప్పుడూ గొడవ పెడుతూనే ఉండేది. భార్యతో పడలేక తీవ్ర అసహనానికి గురైన కృష్ణ.. సంవత్సరం క్రితం ఇల్లు వదిలి వెళ్లిపోయాడు.
కృష్ణ వెళ్లిపోయినప్పటి నుంచి.. అతని ఆచూకీ కోసం భారతి అన్ని చోట్ల వెతకసాగింది. చివరికి కృష్ణ ఆచూకీ తెలుసుకున్న భారతి.. అతన్ని ఇంటికి తీసుకొచ్చింది. అప్పటికైనా తాను అతన్ని ఎంతగా బాధపెట్టిందో తెలుసుకుందా అంటే.. వాళ్లకు ఏ విషయంలో అయితే గొడవలు వచ్చాయో మళ్లీ అదే విషయాన్ని తీసుకొచ్చింది. మళ్లీ ఎక్కడ పారిపోతాడోనని.. గొలుసులతో కట్టేసి ఇంట్లోనే బంధించింది.
ఇరుగుపొరుగు వాళ్లు ఇచ్చిన సమాచారం మేరకు విషయం తెలుసుకున్న పోలీసులు.. వాళ్ల ఇంటికి వెళ్లి ఆ గొలుసుల నుంచి కృష్ణకు విముక్తి కల్పించారు. అయితే.. ఆ విముక్తి కల్పించిన సమయంలో.. 3 రోజుల నుంచి తాను పడిన క్షోభను పోలీసులకు కృష్ణ వివరిస్తూ కన్నీళ్లు పెట్టుకున్నాడు. తనను కొడుతూ చిత్ర హింసలు పెట్టారని పోలీసుల ముందు బోరుమంటూ ఏడ్చాడు.
ఈ వార్త కాస్త సోషల్ మీడియాలో వైరల్ కాగా.. నెటిజన్లు రకరకాలు స్పందిస్తున్నారు. ఇప్పటికే పెళ్లంటే అబ్బాయిలు భయపడి చాలామంది బ్రహ్మచారులుగానే మిగిలిపోతున్నారు. ఇక ఇటువంటి వార్తలు చుసిన తర్వాత వారి నిర్ణయమే సరైంది అనిపిస్తుంది. అంటూ కామెంట్లు చేస్తున్నారు.
ఇటువంటి మరిన్ని వార్తలు సమయం తెలుగులో చదవండి. లేటెస్ట్ వార్తలు, సిటీ వార్తలు, జాతీయ వార్తలు, బిజినెస్ వార్తలు, క్రీడా వార్తలు, రాశిఫలాలు ఇంకా లైఫ్‌స్టైల్ అప్‌డేట్లు మొదలగునవి తెలుసుకోండి. వీడియోలను TimesXP లో చూడండి. 2024-05-03T12:25:23Z dg43tfdfdgfd
